| California Baengh Fim Zipv Zoux Liangx-ndeic Ndau Lorz Za’eix Zorc nyei Guanh se duqv liepc daaih lengc nyei yiem California Budget Act of 2022 (AB 179) weic fungx waac-dengv bun Zungx caux Liepc Doz-leiz Jien oix zuqc hnangv haaix nor liuc leiz taux maiv baengh fim yiem zipv zoux liangx ndeic ndau la’nyauv nyei jauv. Yiem Ziepc Hlaax 2023 mingh taux Ziepc Nyeic Hlaax 2025, naaiv norm Lorz Za’eix Zorc nyei Guanh duqv buangh caux domh zuangx maaih horpc fim dongh eix nyei yiem 12 norm domh zuangx wuic tong California saengv liuz siou duqv waac-dengv. Maaih gauh camv 400 buonc zoux liangx-ndeic mienh, California Meiv Guoqv Buonv-deic Fingx bieiv-zeiv, caux camv guanh yiem camv-fingx nyei gapv zunv koi wuic, ca’laangh, tong fienx, zaah waac, caux maaih kaeqv mienh taan za’eix Lorz Za’eix Zorc nyei Guanh nyei setv mueiz nyei gorngv-zunh se fungx bieqc yiem Ziepc Nyeic Hlaax 2025, maaih gorngv taux zinh ndaangc caux ih jaax hnoi maaih maiv baengh fim yiem zipv zoux liangx-ndeic ndau yiem California, caux maaih waac-dengv porv taux hnangv haaix nor liuc leiz saengv nyei leiz taux maiv baengh fim yiem zipv zoux liangx-ndeic ndau nyei sic. Naaiv deix waac-dengv benx za’eix bun dingc zuqc pienx nyei zoux liangx-ndeic mienh caux Meiv Guoqv Buonv-deic Fingx goux longx ndau mienh haih maaiz duqv jiex ndau bun zuangx lai-hnaangx, fei caux suix-ndiangx, ndie-miev, caux ganh nyungc ei ninh mbuo qiemx zuqc nyei maiv bun maaih laanh, maiv baengh fim, a’fai zuqc pienx nyei jauv Gorngv-zunh nyei Nzutv Norz Waac Ginv daaih nyei waac-dengv bun goux longx ndau nyei guanh Ginv daaih nyei waac-dengv weic California Meiv Guoqv Buonv-deic Fingx caux tengx Meiv Guoqv Buonv-deic Fingx nyei gorn Ginv daaih nyei waac-dengv weic tengx gong caux za’eix Ginv daaih nyei waac-dengv weic buonv-deic hungh jaa Ginv daaih nyei waac-dengv weic tengx nyaanh |