| Cov Txwj Laus Khiav Hauj Lwm Los Ua Kom California Cov Av Ua Liaj Ua Teb Muaj Kev Ncaj Ncees yog ib cov txwj laus tsa los khiav hauj lwm tsis muaj leej twg yuav los cuam tshuam nyob rau hauv California Budget Act of 2022 (AB 179) los mus muab ib cov tswv yim uas lawv pom zoo kom muab tso rau hauv cov lus tswj hwm xa mus rau tus Tswv Xeev thiab Cov Txwj Laus Sau Kev Cai Lij Choj hais txog txoj kev yuav los daws qhov teeb meem tsis muaj kev ncaj ncees hais txog cov av ua liaj ua teb. Thaum Lub Kaum Hli 2023 mus txog Lub Kaum Ob Hlis 2025, Task Force tau npaj ib cov tswv yim uas lawv pom zoo kom ua los ntawm ib txoj kev koom tes nrog pej xeem, suav nrog rau 12 lub rooj sib tham nrog pej xeem thiab kev mus nrog pej xeem sib tham nyob thoob plaws California. Muaj coob tshaj li 400 tus neeg ua liaj ua teb, cov coj ntawm cov Neeg Qhab Uas Ib Txwm Txawm Nyob Hauv California thiab lawv cov tswv cuab, thiab lwm cov neeg yeej tau tuaj koom cov kev sib tham uas muaj hais ua ntau yam lus, suav nrog rau cov rooj sib tham, cov kev mus xyuas liaj teb, ib qhov kev nug, thiab cov kev muaj qhua tuaj piav qhia rau sawv daws Cov Txwj Laus tsab ntawv nthuav qhia thaum kawg, uas muab xa mus rau tus Tswv Xeev thiab cov txwj laus sau kev cai lij choj thaum Lub Kaum Ob Hlis 2025, yeej muaj ib cov lus tham txog yav tag los thiab niaj hnub hais txog txoj kev tsis muaj kev ncaj ncees rau ntawm kev siv av nyob hauv California, thiab yeej muaj ib cov tswv yim uas lawv pom zoo kom muab tso rau hauv cov lus tswj hwm coj los daws lub xeev qhov teeb meem tsis muaj kev ncaj ncees hais txog kev siv cov av ua liaj ua teb. Cov tswv yim uas pom zoo kom ua yeej qhia cov hauv kev los mus ua kom cov neeg ua liaj ua teb tseem ceeb thiab cov neeg saib xyuas Neeg Qhab cov av muaj kev mus yuav tau av, muaj cov av uas nqi pheej yig thiab yog av zoo rau lawv tuav thiab cog khoom noj, cov khoom muaj fiber, tshuaj, thiab ua raws li tej kab lis kev cai uas yuav tsis muaj kev txiav, tsis muaj qhov uas ib cov neeg muaj ntau tshaj ib cov, los sis tsis muaj kev siv tsis raws txoj cai. Tsab Ntawv Nthuav Qhia Cov Ntsiab Lus Tseem Ceeb Cov tswv yim uas pom zoo kom cov koom haum txuag av los mus ua Cov tswv yim uas pom zoo kom cov koom haum pab Neeg Qhab Uas Ib Txwm Txawm Nyob Hauv California thiab Neeg Qhab los mus ua Cov tswv yim uas pom zoo kom ua hais txog kev qhia kom paub ua ib yam dab tsi Cov tswv yim uas pom zoo kom cov nroog los mus ua Cov tswv yim uas pom zoo kom ua hais txog kev muab nyiaj pab |